Оштогу “Келечек” базарынын курулуш иштери акыркы этапта жүрүүдө (видео)

Ош шаарындагы “Келечек” базарынын курулуш иштери акыркы этапта жүргүзүлүп жатат. Бул тууралуу шаардык мэрия билдирди.

Маалыматка караганда, мэр Жеңишбек Токторбаев тарабынан жаңы “Келечек” базарын март айында пайдаланууга берүү боюнча тапшырма коюлган. Анын алкагында Ош шаардык базарлар дирекциясы менен соода жайларынын ээлеринин ортосунда келишимдер түзүлүп, соода орундарын номерлөө иштери жүргүзүлгөн. Учурда соода жайларынын ээлери тарабынан тиешелүү даярдоо иштери аткарылууда.

Бүгүнкү күндө курулуш иштеринин акыркы этаптары жүргүзүлүп жатат. Өрт коопсуздугун камсыздоо максатында ар бир чатырдын алдына өрт кырсыгы учурунда суу алуу үчүн гидранттар орнотулуп, алдын алуу чаралары көрүлүүдө.

Курулуш иштеринин жүрүшү Ош шаарынын мэриясынын Борбордук базарлар дирекциясы муниципалдык ишканасы тарабынан көзөмөлдөнүүдө.