Бишкектеги мейманканалардын биринде жигит кызды бычактап таштады

Бүгүн, 26-январда Бишкектеги мейманканалардын биринде кыздын денеси табылды. Бул тууралуу шаардык милиция кабарлады.

Маалым болгондой, каргашалуу окуя Кулиев көчөсүндө катталды. Милициянын маалыматына караганда, узак убакыттан бери мамиледе болгон жигит менен кыз спирт ичимдигин ичип, ортодон чыр чыккан. Ал учурда кыз жигиттин колуна бычак сайган. Ал эми жигит кыздын моюнуна бычап сайып таштаган. Натыйжада кыз окуя болгон жерден каза болду.

Аталган факт боюнча Кылмыш-жаза кодексинин 122-беренеси (Адам өлтүрүү) менен кылмыш иши козголду. Натыйжада 2002-жылы туулган Д.М. аттуу шектүү кармалып, убактылуу кармоо жайына камакка алынды.

Тергөө уланууда.