Депутат Сулаймановдун мурунку жубайы коргоого алынды. Милиция үн катты

Бишкек шаарынын милициясы Жогорку Кеңештин депутаты Элдар Сулаймановдун мурунку жубайынын кайрылуусу боюнча маалымат берди.

Белгилей кетсек, эл өкүлүнүн экс-жубайы Асел Азаматова коомчулукка кайрылып, мурдагы жолдошу тарабынан зомбулук көрүп келгенин жарыялады.

Берилген маалыматка ылайык, эл өкүлүнүн мурунку жубайы бүгүн, 26-январда милицияга арыз жазды. Анда ал мурунку жолдошу, депутат Сулаймановдон психологиялык басым көрүп жатканын жана ал тарабынан буга чейин зомбулук болгонунун билдирди. Учурда сотко чейинки териштирүү иштери башталып, ага тишелүү коргоо ордери берилди.

Бул факт борбор калаа милициясынын жетекчилигинин өзгөчө көзөмөлүндө турат. Тергөө уланууда.