Ысык-Көлдөгү жана Орто-Токой суу сактагычындагы канаттуулар эсептелүүдө

Ысык-Көлдөгү жана Орто-Токой суу сактагычындагы сууга жакын жана сууда сүзүүчү канаттууларга кышкы санак жүргүзүлүүдө. Бул тууралуу 27-январда Жаратылыш ресурстары, экология жана техникалык көзөмөл министрлигинен билдиришти.

Маалыматка ылайык, бул канаттуулардын саны жана таралышы боюнча алынган маалыматтар суу объекттеринин абалын, аймактын экологиялык балансын баалоого мүмкүндүк берет жана социалдык-экономикалык абалдын көрсөткүчтөрү катары кызмат кылат. Мындай экодемографиялык мониторинг жыл сайын - кышында, жазында жана күзүндө жүргүзүлөт. Адистердин айтымында, канаттууларды эсепке алуу өлкө аймагында жашаган канаттуулардын кышкы жана келгин түрлөрү менен таанышууга уникалдуу мүмкүнчүлүк берет.