Этнограф Айдай Асангулованы акыркы сапарга узатуу зыйнаты өтүүдө (видео)

Бүгүн, 27-январда маданият ишмери, уз-чебер, сүрөтчү-конструктор жана изилдөөчү-этнограф Айдай Асангулованы акыркы сапарга узатуу зыйнаты Ысык-Көл облусунун Тоң районуна караштуу Кызыл-Туу айылында өтүүдө. 48 жашында дүйнө салган жаш этнограф менен коштошууга экс-президент Роза Отунбаева баштаган бийлик өкүлдөрү, маданият ишмерлери, жакындары жана санаалаштары катышууда.

Эскерте кетсек, анын “Бүкөн” студиясынын арт-директору, “Кийиз дүйнө” коомдук фондунун жетекчиси катары улуттук кол өнөрчүлүктү өнүктүрүүгө эмгеги чоң. Асангулова ЮНЕСКОнун демилгелерин камтыган бир катар эл аралык долбоорлорго катышып, кыргыз этностилин дүйнөлүк деңгээлде таанытууга салымын кошкон.

Маданиятка жана кол өнөрчүлүк тармагына кошкон олуттуу салымы үчүн Айдай Асангулова “Курманжан Датка” медалы, Маданият министрлигинин жана президенттин Ардак грамоталары, ошондой эле “Кыргыз Республикасынын маданиятынын мыктысы” төш белгиси менен сыйланган.