Ырчы Айжамал Кабылова жаңы алган ак өргөөсүн көрсөттү (видео)

Ырчы Айжамал Кабылова Ош шаарынан сатып алган ак өргөөсүн коомчулукка көрсөттү. Ырчы айым жаңы үйүнө көчүп кирердин алдында батирин толугу менен заманбап стилде жасалгалап, андан кийин гана жашоону баштаганын белгиледи.

Анын айтымында, 3 бөлмөлүү батир ар бир майда-баратына чейин ойлонулуп, үйдүн ички дизайны өзгөчө табит менен жасалган. Ал курулуш жана жасалгалоо иштерине салым кошкон бардык куруучуларга, усталарга жана жардам берген адамдарга ыраазычылыгын билдирди.

Мындан тышкары, ырчы жаңы үйүндө конок тосууга да бардык шарттар түзүлгөнүн айтып, жакындары менен досторун жылуу маанайда кабыл алып жатканын белгиледи.

Ырчы айымдын бул кубанычтуу жаңылыгы күйөрмандарынын да көңүлүн көтөрүп, социалдык тармактарда ага жылуу каалоо-тилектер, куттуктоолор жазылууда.