5200гө чал! Зомбулуктун курмандыктары үчүн ыкчам байланыш ишке кирди

Өлкөдө үй-бүлөлүк зомбулукка жана адам сатууга кабылган аялдарга жана кыз-келиндерге жардам көрсөтүүгө багытталган 5200 күнү-түнү иштеген ыкчам байланыш номери өз ишин баштады. Бул тууралуу бүгүн, 27-январда Эмгек, миграция жана социалдык коргоо министрлиги билдирди.

Маалым болгондой, ыкчам байланыш суткасына 24 саат, жуманын 7 күнү, өлкөнүн бардык мобилдик операторлору аркылуу жеткиликтүү.

Негизги багыттары:

• зомбулуктун жана эксплуатациянын курмандыктарына психологиялык колдоо көрсөтүү;
• жабыркагандардын укуктарын коргоо жана жеткиликтүү кызматтар тууралуу маалымат берүү;
• коопсуз жайга, медициналык жана юридикалык жардамга кайрылуу жолдору боюнча кеңеш берүү;
• зомбулукка күбө болгон адамдарга жана жабыркагандардын жакындарына колдоо көрсөтүү.

Министрлик ар бир чалуу маанилүү экендигин баса белгиледи.