Жоржина Родригес Ак үйдөгү образы үчүн сынга кабылды

Атактуу футболчу Криштиану Роналдунун жубайы АКШга өлкөнүн биринчи айымы Мелания Трамп тууралуу даректүү тасманын премьерасына катышуу максатында барган. Родригес Instagram социалдык тармагындагы баракчасына Ак үйдүн алдында тартылган фото жана видеолорду жарыялаган.

Сүрөттөрдө модель кымбат шуба кийип, люкс образын көрсөткөн. Ошондой эле ал Hermes брендиндеги сумкасын жана салмагы 30 карат болгон алмаз шакегин да элге тааныштырган.

Бул пост коомчулукта кызуу талкуу жараткан. Айрым колдонуучулар анын мындай көрүнүшүн орунсуз деп сындашкан.

Колдонуучулар Родригести комментарийлерде АКШда Иммиграция жана бажы полициясына каршы жүрүп жаткан нааразычылык акцияларынын фонунда Дональд Трампты колдогону үчүн катуу сындашты.

"АКШда болуп жаткан окуяларды толук көз жаздымда калтыруунун ачык мисалы", "Саясатчылардын айынан эл жабыркап жатат, силер болсо аларды коргоп жатасыңар", "Чакыруудан баш тартсаңар болмок", "Уят", - деп жазышты көптөгөн интернет колдонуучулар.