АКШ менен Европанын НАТО алкагындагы мамилеси кайра каралууда

Бүгүн, 27-январда The American Conservative журналы АКШ Европадагы НАТО боюнча союздаштары менен болгон мамилесин кайра карап чыгып, биринчи кезекте өз улуттук кызыкчылыктарын жетекчиликке алышы керек деген пикирди билдирди.

Макалада Вашингтондун Европанын көз карандысыз, атүгүл АКШ менен толук кызматташпаган блогун коргоо менен байланышкан тобокелчиликтерди жана чыгымдарды мындан ары көтөрүп жүрүшү туура эмес экени белгиленет. Авторлор АКШ менен Европанын ортосунда "трансатлантикалык стратегиялык ажырымды" тынч жана жетилген жол менен уюштурууга убакыт келгенин жазышкан.

Басылманын маалыматына караганда, Европа өлкөлөрүндө АКШнын президенти Дональд Трампка жана анын администрациясына карата нааразычылык күчөп жатат. Айрым расмий өкүлдөр Вашингтондун "агрессивдүү саясаты" Европадагы америкалык аскер базаларынын жоголушуна алып келиши мүмкүн экенин эскертишкен.

Ошондой эле НАТОго мүчө айрым мамлекеттер келечекте өз алдынча туруктуу европалык армия түзүү маселесин карап чыгышы мүмкүн экени айтылат.