Дастан Бекешев орус номурлуу унаалардын маселесин көтөрдү

Бүгүн, 28-январда Жогорку Кеңештин жыйынында депутат Дастан Бекешев орус номурундагы унааларды мыйзамдаштыруунун жолун караштырууну сунуштады.

"Мына, канча айдан бери айып короодо токтотулуп турат. Карап чыгышыбыз керек. Же мунапыс кылалы, же башка жолдорун табалы. Себеби, жарандар кыйналып жатышат",- деди эл өкүлү.

Буга чейин Экономика министрлиги чет өлкөлөрдөн мыйзамсыз ташылып келинген унааларды кайрадан мыйзамдаштыруу маселеси болбой турганын билдирген.