Өзбекстан Орусиядагы жарандарынын укуктарынын сакталышын талап кылды

Өзбекстандын тышкы иштер министринин орун басары Олимжон Абдуллаев Орусиянын Өзбекстандагы элчиси Алексей Ерхов менен жолугуп, эмгек миграциясы маселелерин талкуулады.

Чет элдик басылмалар билдиришкендей, жолугушууда Орусияда иштеп жаткан Өзбек жарандардын укуктарын коргоо, миграциялык текшерүүлөр маалында адамдык кадыр-баркты кемсинтүүгө жол бербөө маселелери көтөрүлдү.

Тараптар миграциялык процесстерди иретке келтирүү, мыйзамдуу эмгек үчүн шарттарды жакшыртуу жана бул багытта үзгүлтүксүз консультацияларды улантуу зарылдыгын белгилешти.