Депутат товарлардын чек арада кармалышы боюнча айтты (видео)

Жогорку Кеңештин депутаты Дастан Жумабеков парламент жыйынында Орусияда эмгек мигранттарынын жана товарлардын чек арада кармалышы боюнча праламенттер аралык сүйлөшүү зарылдыгын белгиледи.

"Бүгүнкү күнү эң көйгөйлүү маселе - текстиль иши болууда. Ар кандай тоскоолдуктардын негизинде жүктөр Орусияга киргизилбей, чек арада кармалып турат",- дейт эл өкүлү.

Жумабеков Жогорку Кеңештин төрагасы Нурланбек Тургунбек уулуна кайрылып, Орусияга расмий иш сапар уюштурууну сунуштап, маселелер боюнча тиешелүү кызмат өкүлдөрү менен сүйлөшүү жүргүзүү зарылдыгын айтты.

Төраганын айтымында, март айында Орусияга расмий иш сапар менен баруу пландалууда.

"Орусиянын Федералдык жыйынынын төрайымы Валентина Матвиенко, Мамлекеттик Думанын төрагасы Вячеслав Володинден расмий чакыруу келген. Буюрса, расмий иш сапарды март айынын үчүнчү декадасына пландаштырып жатабыз. Анын алкагында олуттуу маселелерди карап, талкуулайбыз",- деди төрага.