"Кудайберген" базарындагы мыйзамсыз жарнамалык такталар алынды (видео)

Бишкекте жайгашкан "Кудайберген" базарындагы мыйзамсыз жарнамалык такталар алынды. Бул тууралуу калаанын Жол кайгуул кызматы билдирди.

Маалыматка ылайык, мыйзамсыз орнотулган жарнамалык такталарды тазалоо боюнча рейд өткөрүлүп, анын жүрүшүндө жол жээгине, жарык берүүчү мамыларга жана жолго жакын жайгашкан техникалык тейлөө станцияларына илинген жарнамалар алынып салынган.

"Мындай жарнамалар айдоочуларга жана жөө жүргүнчүлөргө көрүнүштү чектеп, жол кыймылынын коопсуздугуна коркунуч жараткан",- деп билдирди башкармалык.