Оштун мэри мектеп ашканасындагы каткан токочторду жетекчилерге бөлүп берди (видео)

Ош шаарынын мэри Жеңишбек Токторбаев “Жетиген” мектебинин ашканасын текшерип, балдарга берилип жаткан токочтун сапатына нааразы болду. Шаар башчысы окуучуларга берилген токочтор катканын, айрымдары чала бышканын жана күйүп кеткенин көрүп, мектеп директорун, аны жасаган кызматкерди зекиди.

Мэр ашканада мугалимдер үчүн самсы бышырылып жатканын көрүп, мындай айырмачылыкты кескин сынга алып, тескерисинче, токочторду мугалимдерге бериш керектигин айтты.

Ошондой эле окуучулар жебей кеткен жана артып калган токточторду үч баштыкка салып шаардагы билим берүү тармагындагы жетекчилерге жана мектеп директоруна бөлүп берүүнү тапшырды.