Орусия Зеленскийге Москвада Путин менен жолугушса, коопсуздук кепилдигин берүүгө даяр

Орусия Украина президенти Владимир Зеленский Москвада Владимир Путин менен сүйлөшүүгө макул болгон учурда анын коопсуздугун камсыздоого даяр экенин билдирди. Бул тууралуу Кремлдин өкүлү Юрий Ушаков маалымдаганын чет элдик басылмалар жазышууда.

Анын айтымында, Путин Зеленский чын эле жолугушууга даяр болсо, аны Москвага чакырууга даяр экенин бир нече жолу билдирген. Орусия тарап жолугушуунун коопсуздугун жана бардык зарыл шарттарды кепилдейт.

Ушаков ошондой эле АКШ президенти Дональд Трамп Путин менен болгон сүйлөшүүлөрүндө Орусия менен Украинанын лидерлеринин жолугушуусун уюштурууну сунуштаганын белгиледи. Кремль мындай сүйлөшүүлөргө каршы эместигин, бирок алар жакшы даярдалып, конкреттүү жыйынтыкка багытталышы керектигин кошумчалады.

Эскерте кетсек, буга чейин Зеленский жолугушууга даяр экеинин билдирген.