ТИМ АКШдагы Кыргыз жарандарын митингдерден алыс болууга чакырды

Америка Кошмо Штаттарынын бир катар шаарларында уланып жаткан нааразычылык акцияларына байланыштуу Кыргызстандын Тышкы иштер министрлиги ошол өлкөдөгү мекендештерге коопсуздукту жогорку деңгээлде сактоону эскертти. Министрлик билдиргендей, терс окуяларга жол бербөө максатында массалык иш-чараларга жана нааразычылык акцияларына катышуудан алыс болуу зарыл.

Ошондой эле жарандарга өздүгүн тастыктоочу документти дайыма алып жүрүү, иммиграциялык статусун текшерүү жана уруксат берүүчү документтеринин мөөнөтүн көзөмөлдөө сунушталууда.

Кыргыз жарандары зарыл учурда АКШдагы Кыргызстандын дипломатиялык жана консулдук өкүлчүлүктөрүнө дароо кайрылуусу керектиги белгиленди. Мындай чаралар коопсуздукту камсыздоого жана күтүлбөгөн кырдаалдардын алдын алууга багытталган.

Ыкчам байланыштар:

Кыргызстандын АКШдагы элчилиги (Вашингтон):
+1 (202) 449-98-22, +1 (202) 256-29-24

Кыргызстандын Чикаго шаарындагы Башкы консулдугу:
+1 (312) 994-24-16, +1 (312) 929-34-42

Кыргызстандын Тышкы иштер министрлигинин Консулдук департаменти: +996 999 312 002