Кыргызстанда энелердин өлүмүнүн өсүшү белгиленди

Саламаттык сактоо министрлигинин 2025-жылдагы ишинин жыйынтыгын чыгарган коллегияда өлкөдө энелер өлүмүнүн өсүшү белгиленди. Ага ылайык, 2025-жылы 48 факт катталып, бул мурунку жылга салыштырмалуу 35,4 пайызга (2024-жылы 36 факт же 25,7 пайыз) жогору болгон.

Министр Каныбек Досмамбетовдун айтымында, энелердин жана балдардын өлүмү саламаттык сактоо системинин абалын чагылдырган маанилүү көрсөткүчтөр болуп саналат жана аялдар менен жаңы төрөлгөн ымыркайлардын өмүрүн сактоо артыкчылыктуу багыт болушу керек.

Министр бул боюнча бир жуманын ичинде тийиштүү чаралардын комплексин иштеп чыгууну тапшырды. Ал антенаталдык көзөмөлдүн стандарттарын сапатка басым жасоо менен кайра карап чыгуу, алгачкы жетекчилик менен стационарлардын санариптик байланышын күчөтүү, ошондой эле өзгөчө тобокелдик тобундагы кош бойлуу аялдарды так маршрутташтыруу зарылдыгын белгиледи. Телемедициналык кеңеш берүүлөрдү кеңейтүү жана пренаталдык скринингди киргизүү тапшырылды.

"Оорулардын алдын алуу, өз убагында ооруканага жаткыруу жана квалификациялуу жардамга жеткиликтүүлүк артыкчылык болушу керек",- деп белгиледи министр.

Ушул эле жыйында Кыргызстанда ымыркайлардын өлүмү 4,2 пайызга азайганы айтылды.