Спикер: "Жогорку Кеңешти кайсы бир адам же мамлекеттик орган башына кийбейт"

Бүгүн, 29-январдагы Жогорку Кеңештин жыйынында парламент төрагасы Нурланбек Тургунбек уулу Жогорку Кеңештин ишмердүүлүгүнө эч ким кийлигише албастыгын айтты.

“Жогорку Кеңешти кайсы бир адам же мамлекеттик орган башына кийбейт жана биз ага жол бербейбиз. Жогорку Кеңеш өлкөбүздөгү негизги бийлик бутактарынын бири. Бул жер элдик бийик трибуна. Конституцияда так көрсөтүлгөн өз орду бар. Ошол нормалардын алкагында иш алып барат. Андыктан, парламенттин дарегине негизсиз сын пикирлерди айтуу туура эмес”,- деди төрага.