УКМКнын жалган кызматкери абактагы кишини алдоого шектелүүдө (видео)

Бишкекте өзүн УКМКнын кызматкери катары тааныштырган жаран алдамчылыкка шектелүүдө. Бул тууралуу бүгүн, 29-январда шаардык милиция билдирди.

Маалым болгондой, 19-декабрда У.Ж. аттуу жаран милицияга кайрылып, белгисиз адамга карата чара көрүүнү суранган. Шектүү WhatsApp мессенжери аркылуу абактагы жарандын ишенимине кирип, коопсуздук кызматында иштей турганын айтып, абактан бошотууга жардам көрсөтүү шылтоосу менен 17 миң долларын мыйзамсыз ээлеп алган.

Аталган факт боюнча Кылмыш-жаза кодексинин 209-беренеси (Алдамчылык) боюнча кылмыш иши козголду. Натыйжада 1988-жылы туулган А.Т. аттуу жаран кармалды. Ал 2022-жылдан бери эл аралык издөөдө жүргөн.

Учурда тергөө уланууда.