Унаалардын алдыңкы терезелерин караңгылатуу акысы арзандады

Министрлер кабинетинин чечими менен транспорт каражаттарынын алдыңкы эшиктеринин каптал айнектерин караңгылатууга уруксат берүү үчүн төлөм убактылуу арзандатылды. Бул тууралуу бүгүн, 29-январда президенттин администрациясынын маалымат кызматы билдирди.

Токтомго ылайык төлөмдөр төмөндөгүчө аныкталды:

• Жеке жактар үчүн - 35 000 сом;
• Юридикалык жактар үчүн - 55 000 сом;
• Резидент эмес жарандар үчүн - 75 000 сом.

Бул чечим автоунаа ээлери үчүн ыңгайлуу шарттарды түзүү максатында кабыл алынып, документке министрлер кабинетинин төрагасы Адылбек Касымалиев тарабынан кол коюлганы кошумчаланды.