Депутат улам айтып келген 5-кичи райондогу жолдор оңдолмой болду

Бишкек шаарындагы 5-кичи райондун бир катар ички жолдору оңдоп-түзөөдөн өткөрүлөт. Бул тууралуу Жогорку Кеңештин депутаты Дастан Бекешев Телеграм каналында билдирди.

Айтымында, эл өкүлү аталган маселе боюнча Бишкек шаарынын мэриясына кайрылган. Калаа бийлиги берген жоопко ылайык, 2026-жылга карата жол куруу объекттеринин долбоордук титулдук тизмесине төмөнкү көчөлөр киргизилген:

Железнов көчөсү - стадиондун түштүк тарабынан №3 мектеп жана №138 бала бакчанын боюн бойлой №30а үйүнүн батыш тарабына чейин;

№28, 29, 30, 30а үйлөрүнүн батыш тарабынан Миррахимов көчөсүнө чейин;

Юнусалиев көчөсүнөн №66, 57, 55, 55a, 56, 56a, 60 үйлөрдүн боюн бойлой №61 үйгө чейин.

Белгилей кетсек, буга чейин Бекешев бир нече жолу парламентте кичи райондогу ички жолдордун бүгүнкү абалы "мышык ыйлагыдай" экенин айтып, өкмөт башчы Адылбек Касымалиевге кайрылган.