Криптомиллиардер бизнес боюнча лекцияны жыртык байпак менен окуду

Социалдык тармактарда Ethereum криптовалютасынын жаратуучусу, миллиардер Виталий Бутериндин Таиланддагы бизнес-лекциясынан тартылган сүрөтү кызуу талкууга түштү. Бирок колдонуучулардын көңүлүн анын баяндамасы эмес, жыртык байпагы бурду.

Бутерин Таиландда өткөн ETH Chiangmai конференциясында катышуучулар менен жолугуп, жаңы китебин тааныштырган. Иш-чара учурунда тартылган сүрөттөрдө анын кара байпагынын биринде көзгө урунарлык жыртык бар экени байкалган.

Айрым маалыматтарга караганда, Ethereum’дун негиздөөчүсүнүн байлыгы 717 миллион доллардан ашат. Бирок социалдык тармак колдонуучуларынын айтымында, жаңы байпак сатып алуу анын шашылыш муктаждыктарынын тизмесине кирбей калган окшойт.

Сүрөт Threads платформасында бат эле тарап, комментарийлерде тамашалар жаады:
- "Бул криптовалютада азырынча иш жок деген белги"
- "Виталикке жубай керек, байпакты да, 717 миллионду да иретке салмак"
- "Ар бир эркек бир аз Виталик"
- "Бул жыртык эмес, децентралдашкан вентиляция" - деп жазышты колдонуучулар.

Виталий Бутерин бул окуяга комментарий берген жок. Бирок ал көптөн бери эле сырткы көрүнүшкө эмес, идеяларга жана технологияларга маани берген адам катары белгилүү.