Автобуста өспүрүмгө зомбулук көрсөткөн жаран кармалды (видео)

Социалдык баракчаларда автобуста жаш балага кол көтөрүп, түшкөндөн кийин аны коркутуп жаткан белгисиз жаран жөнүндө видео тарады. Бишкектин Ленин райондук милициясы аны аныктап кармаганын бүгүн, 1-февралда билдирди.

Маалым болгондой, кечээ, 31-январда болжол менен саат 16:00 чамасында 102 кызматына 2008-жылы туулган Ж.Т. аттуу жаран денесинен жаракат алып, медициналык мекемеге кайрылганы маалымдалды. Ошондой эле коомдук жайда аны оозго алгыс сөздөр менен урушкандыгы кабарланды.

Бул факт боюнча Укук бузуулар жөнүндө кодексинин 126-беренеси (Майда бейбаштык) менен кылмыш иши козголуп, милиция бөлүмүнө 1998-жылы туулган К.Е. аттуу жаран жеткирилди. Ага карата протокол түзүлдү.