Бишкекте баңгизат таратууга шектелип 19 жаштагы жигит кармалды (видео)

Бишкекте баңгизаттарды таратууга шектелген 19 жаштагы жигит кармалды. Бул тууралуу Биринчи Май РИИБинин басма сөз кызматы кабарлады.

Маалыматка ылайык, ушул жылдын 31-январында райондук милициянын кызматкери көчөдөн жүрүм-туруму шек жараткан белгисиз жаранды байкаган. Байкоо жүргүзүүнүн жүрүшүндө аталган адам баңгизаттарды жашыруун коюу ыкмасы менен мыйзамсыз сатып жүргөндүгү аныкталган.

Бул факт боюнча кылмыш иши козголуп, 19 жаштагы Т.Б. аттуу шектүү аныкталып, кармалган. Кармоо учурунда ал жашыруун жерлерин көрсөтүп, 29 даана термоусадкалуу оромодогу баңгизат табылган.