Бишкектеги эски үйлөр текшерүүдөн качан өтөрү айтылды (видео)

Жогорку Кеңештин депутаты Алтынбек Кылычбаев парламенттин тармактык комитетинин 3-февралдагы жыйынында Бишкекте реновация боюнча аткарылып жаткан иштерге кызыкты.

Эл өкүлү курулуш министринин орун басары Талантбек Иманакун уулуна "Бишкекте реновация боюнча бардык эски үйлөрдү карап чыгабыз деп айтып чыктыңар эле. Азыр ушул иштер кандай жүрүп жатат?" деп собол узатты.

Министрдин орун басары учурда Бишкек шаарынын башкы планы кабыл алынып жатканын белгилеп, кийинки этапта реновация боюнча иштер жүргүзүлө турганын билдирди.

Белгилей кетсек, курулуш министри Нурдан Орунтаев 2025-жылдын декабрь айында Бишкектин реновация мыйзамы иштелип чыкканын билдирип, Жогорку Кеңешке кароого киргизилерин айткан. Министр мыйзамда жарандардын укугун коргоо биринчи орунда экенин кошумчалаган.