Ош шаарында Даун синдрому бар балдар үчүн жаңы борбор ачылды

Бүгүн Ош шаарында Даун синдрому бар балдарды колдоого багытталган көп функционалдуу күндүзгү ресурстук борбор расмий ачылды. Борбор “Сантерра-Юг” коомдук кайрымдуулук фонду тарабынан уюштурулган.

Шаардык мэриядан билдиришкендей, ачылыш аземине Ош шаарынын мэри Жеңишбек Токторбаев катышып, борбордун ишмердүүлүгү менен таанышты. Ал мындай социалдык борборлор өзгөчө муктаждыгы бар балдардын коомго аралашуусуна жана тең укуктуу өнүгүүсүнө чоң салым кошорун белгиледи.

Учурда фондго түштүк аймактар боюнча 300дөн ашуун ата-эне катталган. Борбор балдардын өнүгүүсүнө, социалдык адаптациясына жана ата-энелерге ар тараптуу жардам көрсөтүүгө багытталган.