Ошто милиция менен элдин жолугушуулары уланууда

Ош шаарынын ички иштер башкармалыгынын башчысы, милициянын полковниги Дамирбек Исаков калк менен жолугушууларды өткөрүүнү улантууда. Иш-чаралар коомдук коопсуздукту камсыз кылуу, кылмыштуулуктун алдын алуу жана милицияга болгон ишенимди бекемдөө максатында уюштурулууда. Бул тууралуу Ош ШИИБинин басма сөз кызматынан билдиришти.

Маалыматка ылайык, жолугушууда коомдук тартип, жол коопсуздугу, үй-бүлөлүк зомбулуктун алдын алуу жана кайгуул кызматтарынын иши талкууланды. Шаар тургундары өздөрүн тынчсыздандырган маселелерди көтөрүп, сунуш-пикирлерин айтышты.

Көтөрүлгөн бардык маселелер Дамирбек Исаков тарабынан жеке көзөмөлгө алынып, тиешелүү кызматтарга тапшырмалар берилди. Мындай жолугушуулар мындан ары да улантылары белгиленди.