Ливиянын мурдагы лидери Муаммар Каддафинин уулу атып өлтүрүлгөнү айтылды 

Ливиянын мурдагы лидери Муаммар Каддафинин уулу Саиф аль-Ислам Каддафини өз үйүндө атып кетишти. Бул тууралуу чет элдик басылмалар жазышты.

Андагы маалыматтар боюнча, Муаммар Каддафинин уулунун өлүмүнүн себептери белгисиз. Айрым басылмалар 53 жаштагы Саиф Каддафи Ливиянын батышындагы Зинтан шаарына жакын жердеги өз үйүндө өлтүрүлгөнүн жазышкан. Анда короого төрт куралчан адам кирип келип, мурдагы лидердин баласын атып кетишкен.

Мындай маалыматты Саиф Каддафинин саясий кеңешчиси Абдулла Осман дагы өзүнүн социалдык тармактагы баракчасы аркылуу ырастаган.

Сейф аль-Ислам Каддафи 1979-2011-жылдары Ливияны башкарган Муаммар Каддафинин экинчи уулу. Ал эч кандай расмий мамлекеттик кызматтарды ээлеген эмес. Бирок Каддафинин саясаты кулаганга чейин тышкы саясат боюнча сүйлөшүүлөрдү жана ички коопсуздук маселелерин көзөмөлдөгөн.