Сууга чөгүп каза болгондор көбөйүүдө. Депутат балдардын коопсуздугу боюнча айтты (видео)

Жогорку Кеңештин 4-февралдагы жыйынында депутат Чыңгыз Ажибаев жаш балдардын коопсуздугу тууралуу маселе көтөрүп, тийиштүү мекемелерди алдын алуу иш-чаралар жүргүзүүгө чакырды.

Айтымында, акыркы кезде жашы жете элек балдардын сууга чөгүп, каза болгон фактылар көп катталууда.

"Ушул жылдын 29-январында борбор калаадагы Бакай-Ата жаңы конушунда эки бала сууга чөгүп каза тапты. Мындай факты биринчи жолу болуп жаткан жок. 2-февралда Сокулукта 3 жаш бала да көлмөгө чөгүп кетти эле. Ушул боюнча тиешелүү мекемелер алдын алуу иш-чараларын өткөрүшү зарыл", - деди депутат.