Кыргызстан алты азыктын түрү менен өзүн-өзү камсыз кыла алат 

Өткөн жылы Кыргызстан тогуз негизги азык-түлүк продуктуларынын алтоосу менен өзүн-өзү камсыз кылган. Бул тууралуу Айыл чарба министрлиги кабарлады.

Маалыматка ылайык, жашылча жана коон, картошка, сүт, эт, кант жана жумуртка өлкө аймагында жетиштүү деңгээлде өндүрүлөт. Ал эми нан азыктары, өсүмдүк майы, мөмө-жемиштер импорттук продуктулардын эсебинен камсыздалат.

Министрлик акыркы алты жылда өзүн-өзү камсыз кылган азык-түлүктөрдүн пайызы өскөнүн белгиледи. Анда 2020-жылдан 2025-жылга жылга чейинки өсүү эсептелген.

• сүт 112 пайыздан 127,3 пайызга чейин;
• эт 63,6 пайыздан 85,7 пайызга чейин;
• кант 15 пайыздан 82,1 пайызга чейин;
• жумуртка 56,4 пайыздан 79,8 пайызга чейин;
• өсүмдүк майы 34 пайыздан 51,7 пайызга чейин;
• мөмө-жемиштер 15 пайыздан 51,4 пайызга чейин өскөн.