Ливиянын мурдагы лидеринин атып өлтүрүлгөн уулунун жаназасы качан болору айтылды 

Ливиянын мурдагы лидери Муаммар Каддафинин уулу Саиф аль-Ислам Каддафини акыркы сапарга узатуу зыйнаты качан болору белгилүү болду. Бул тууралуу маркумдун жакындары билдиргенин чет элдик басылмалар жазышты.

Маалыматка ылайык, жаназа 6-февраль күнү Бани Валид шаарында өтөт. Ал эми Саиф аль-Ислам Каддафинин сөөгү өзүнүн кичи мекени Сирте шаарына коюла турганы айтылды.

Белгилей кетсек, 53 жаштагы Саиф Каддафи Ливиянын батышындагы Зинтан шаарына жакын жердеги өз үйүндө өлтүрүлгөн. Анда короого төрт куралчан адам кирип келип, мурдагы лидердин баласын атып кетишкен.

Сейф аль-Ислам Каддафи 1979-2011-жылдары Ливияны башкарган Муаммар Каддафинин экинчи уулу. Ал эч кандай расмий мамлекеттик кызматтарды ээлеген эмес. Бирок Каддафинин саясаты кулаганга чейин тышкы саясат боюнча сүйлөшүүлөрдү жана ички коопсуздук маселелерин көзөмөлдөгөн.