"Кайым айтышуулар болуп жатат". Спикер өкмөт башчы андан уруксат алып кеткенин айтты

Бүгүн, 5-февралдагы Жогорку Кеңештин жыйынында депутат Курманкул Зулушев өкмөттүк саатка министрлер кабинетинин төрагасы Адылбек Касымалиевдин келбегенине кызыкты.

Парламент төрагасы Нурланбек Тургунбек уулу өкмөт башчы андан уруксат сураганын билдирди. Ал Касымалиев Дубайдагы эл аралык жыйында экенин тактап, министрлер кабинетинин төрагасынын биринчи орун басары Данияр Амагелдиев баштаган өкмөт мүчөлөрү суроолорго жооп беришерин айтты.

Зулушев кийинкиде Касымалиевдин келиши керектигин белгилеп, тартип маселесинде сүйлөшүү болушу керектигин айтты.

"Өкмөт менен депутаттардын ортосунда кайым айтышуулар болуп жатат. Биздин депутаттык топтордун башчылары, тажрыйбалуу эл өкүлдөрү менен айтышуулар болуп жатат. Жыйындарга орун басарлары, бөлүм башчылары эле келип жатышат",- деди Зулушев.