Жаратылыш министри Бишкектин абасы эң кир дегенге макул эместигин билдирди (видео)

Бишкек шаары дүйнөдөгү абасы эң кир шаарлардын катарына кирбейт. Бул тууралуу бүгүн, 5-февралдагы Жогорку Кеңештин жыйынында Жаратылыш ресурстары, экология жана техникалык көзөмөл министри Медер Машиев билдирди.

Жыйында министр ыш маселеси менен күрөшүүдө алгылыктуу иштер жүрүп жатканын белгилеп өттү.

"Ыш менен күрөшүү үчүн алгылыктуу жумуштар жүрүп жатат. Кыргызгидрометтин байкоосунун негизинде, акыркы эки жылда Бишкектеги абанын сапаты жакшырган. Ыш маселеси дагы деле бар, бирок дүйнөдөгү эң кир шаарларга кирди дегенге кошулбайбыз. Бизде анчалык деңгээл жок. World Air Quality сайтындагы көрсөткүчтөргө күмөн болбош үчүн, Кыргызгидрометтеги байкоо системин жаңылап жатабыз. Мындай маалыматтар мамлекеттик тийиштүү органдардан гана маалымдалышы үчүн ал систем быйыл ишке кирет. Биз ошол жактан маалымат алууну сунуш кылабыз",- деди министр.