Бишкекте жаңы 12 көчө пайда болору айтылды

Бишкек шаарынын мэринин орун басары Рамиз Алиев калаада 12 жаңы көчө ачыларын билдирди.

Ал бүгүн, 5-февралдагы Жогорку Кеңештин жыйынында быйыл борбор калаада 120 чакырым жол жасаларын кошумчалады. Алиев иштелип чыккан башкы планга ылайык, коомдук транспортко өзгөчө маани берилерин белгиледи. Бирок коомдук транспорттор боюнча кандай иштер жүргүзүлөрүн тактаган жок.

Айта кетсек, министрлер кабинети 2050-жылга чейинки Бишкек шаарынын башкы планын бекитүү жөнүндө токтомдун долбоорун коомдук талкууга чыгарган. Анда коомдук транспорттун 2 түрү каралганы көрсөтүлгөн.