Түркия 2025-жылы туризмде рекорддук көрсөткүчтөргө жетишти 

Түркия 2025-жылы туризм тармагында өз тарыхындагы эң жогорку көрсөткүчтөрдүн бирине жетишти. Стамбул шаарында өткөн маалымат жыйынында Түркия Республикасынын Маданият жана туризм министри Мехмет Нури Эрсой 2025-жылдын жыйынтыктарын коомчулукка жарыялады.

Министрдин маалыматына ылайык, 2025-жылы Түркияга келген чет өлкөлүк туристтердин жалпы саны 64 миллион адамды түздү. Ошол эле учурда, туризм тармагынан түшкөн жалпы киреше 65 миллиард 231 миллион долларга жетип, тарыхый рекорд катары катталды.

Министр Эрсой өз сөзүндө Түркиянын туризм тармагы акыркы жылдары олуттуу өсүшкө жетишкенин белгилеп, 2026-жылга карата 68 миллиард долларлык киреше максаты коюлганын билдирди. Анын айтымында, Түркиядүйнөлүк туризм картасында өз позициясын бекемдеп, аймактык гана эмес, глобалдык деңгээлдеги алдыңкыөлкөлөрдүн катарына кирди.

Ошондой эле министр Түркиянын туризм саясатыдеңиз, кум жана күн форматынан чыгып, маданий жанадиний туризм, табиат жана экотуризм, археология, денсоолук жана термалдык туризм, гастрономия, конгресс жана көргөзмө туризми, круиз жана кышкы туризмсыяктуу багыттарда кеңири өнүгүп жатканын баса белгиледи.

“Келечек үчүн мурас” концепциясынын алкагындаишке ашырылып жаткан долбоорлор жана Түнкү музейлер демилгеси Түркияны маданий мурасты сактоо жанатаанытуу жаатында дүйнөдөгү алдыңкы мисалдардынбирине айлантты.

Кыргызстан рыногунда да туруктуу өсүү байкалууда

2025-жылы Кыргызстан тараптан Түркияга барган туристтердин саны 2024-жылга салыштырмалуу 8 пайызга өсүп, 199 280 адамга жетти. Бул көрсөткүч Түркиянын кыргыз туристтери үчүн ишенимдүү, популярдуу жана ар тараптуу туристтик багыт бойдон калып жатканын дагы бир ирет тастыктайт.