"Сокулуктун конуштарына газ жете элек". Медер Алиев "Газпром Кыргызстандын" өкүлүнө кайрылды

Бүгүн, 5-февралдагы Жогорку Кеңештин жыйынында депутат Медер Алиев Сокулуктагы конуштарда көгүлтүр от маселеси чечиле электигин айтты.

Ал отурумга катышып жаткан "Газпром Кыргызстандын" өкүлүнө жеке сүйлөшүүнү сунуштады.

"Убактыңыз болсо бир чыны кофе ичкиче чыгып сүйлөшөлү. Өз убагында "Кыргызгазды" "Газпромго" 1 долларга бердик. Ошондо кандай сөздөр айтылды эле? "Мындан ары бир дагы газ маселеси болбойт" деди эле. Маселе толуп жатат го. Суроолор көп, аны чечиш керек",- деди эл өкүлү.