Абу-Дабидеги сүйлөшүүлөр кандай нукта жүрүүдө?

Абу-Даби шаарында Украинадагы кагылышууларды жөнгө салуу боюнча сүйлөшүүлөр буга чейинки жолугушууларга салыштырмалуу көбүрөөк ишкерлик маанайга окшош болуп жатат. Бул тууралуу ТАСС агенттиги булактарына таянып жазып чыкты.

"Албетте, пикир келишпестиктер жок эмес. Бирок бул жолугушуулар буга чейин болгон бардык жолугушууларга караганда көбүрөөк ишкерлик мүнөздө",- деп билдирген агенттик.

Маалыматка караганда, Орусия Донбассты бардык өлкөлөр тарабынан таануу маселесин Украина боюнча "чоң келишимдин" бир бөлүгү катары карайт. Москва үчүн бул маселе принципиалдуу мааниге ээ.

Мурда Кремлдин расмий өкүлү Дмитрий Песков Орусия, АКШ жана Украина өкүлдөрүнүн Абу-Даби шаарында сүйлөшүүлөрү уланууда деп билдирген, бирок натыйжаларды алдын ала айтууга эрте экенин белгилеген.