Бакуда Тоолуу Карабахтын мурдагы аскердик-саясий жетекчилерине өкүм чыгарылды

Бакудагы аскердик сот 2023-жылдын күзүндө кармалган Тоолуу Карабахтын аскердик-саясий жетекчилерине карата өкүмдөрдү чыгарды. Бул тууралуу Meduza басылмасы жазды.

Маалыматка ылайык, Тоолуу Карабах республикасын 2020-жылдын май айынан 2023-жылдын 1-сентябрына чейин жетектеген мурдагы “президент” Араик Арутюнян өмүр бою эркинен ажыратылды. Айыптоо тарабы дал ушундай жаза сураган. Ошол эле жазага таанылбаган республиканын коргонуу армиясынын мурдагы командири Левон Мнацаканян, анын орун басары Давид Манукян жана Тоолуу Карабахтын мурдагы тышкы иштер министри Давид Бабаян да жоопкерчиликке тартылды.

Ал эми республиканын дагы эки мурдагы “президенти” — Аркадий Гукасян жана Бако Саакян 20 жылга эркинен ажыратылды.

Жалпысынан бул иш боюнча 15 адам жоопко тартылган. Азербайжандын бийлиги аларды "тынчтыкка жана адамзатка каршы кылмыштарга" айыптап, алардын ичинде агрессивдүү согушту даярдоо жана жүргүзүү, геноцид, согуш мыйзамдарын бузуу, терроризм, терроризмди каржылоо, бийликти күч менен басып алуу жана сактап калуу сыяктуу берене бар экенин билдирген.