Сузакта жергиликтүү жетекчи жер сатуу фактысы боюнча кармалды

Жалал-Абад облусунун Сузак районунда мыйзамсыз жер сатуу схемасы токтотулду. Бул тууралуу УКМКнын маалымат борбору билдирди.

Маалым болгондой, "Сузак тазалык коому" муниципалдык ишканасынын директору М.И. С.Н. аттуу жаран менен сүйлөшүп алып, Благовещенка айылында жерлерди сатышкан. Алар айыл өкмөттүн жасалма токтомдору менен бир тилкени 700 миң сомдон 1,5 миллион сомго чейин баалашкан.

Мындан тышкары, аталган адамдар мыйзамсыз сатылган жер тилкелерин мыйзамдаштыруу максатында жер мунапысынын талаш-тартыштуу маселелери боюнча мамлекеттик комиссиялар аркылуу кароо жол-жоболорун колдонушкан.

Кылмыш ишинин алкагында М.И. жана С.Н. кармалып, УКМКнын тергөө абагына камакка алынды. Учурда тергөө жүрүүдө.