Microsoft компаниясынын негиздөөчүсү Эпштейн менен жолугушууларды "катачылык" деп атады

Microsoft компаниясынын негиздөөчүсү Билл Гейтс Жеффри Эпштейн менен байланышта болгонун айтып, бирок мамиле иш маселелери менен гана чектелгенин билдирди. Бул тууралуу ал чет элдик басылмалардын бирине берген маегинде айтып өттү.

Ал бул кадамын катачылык деп атап, акылсыздык кылганын айтат. Ал ар бир жолугушуусуна өкүнөрүн билдирип, кечирим сурады. Ошол эле учурда ал кылмыш иштерине эч кандай тиешеси жок экенин баса белгиледи.

Айрым басылмалар билдиргендей, Эпштейндин файлдарында Билл Гейтс финансисттин аралындагы кыздар менен болгон жыныстык байланышынан кийин, жугуштуу ооруларын дарылатканы тууралуу маалыматтар айтылган.

Эскерте кетсек, Жеффри Эпштейн - америкалык финансист. Ал жашы жете элек кыздарды сексуалдык эксплуатациялап, аларды бай жана таасирдүү адамдарга тааныштырган деп айыпталган. Финансист 2019-жылы абакта каза болгон. Аны өзүнө кол салды деген менен, түрдүү маалыматтардын арты тыйыла элек. Учурда анын ишине байланыштуу АКШнын Юстиция министрлиги 3,6 миллион барактан турган файлдарды, видео-фотолорду ачыктады. Жалпы анын ишине байланыштуу материалдар 6 миллион барактан тура турганы белгилүү. Ал жакта дүйнө лидерлеринин аттары да аталган.