Эмгек министрлиги: Бир жылда жумушсуздардын саны 22 пайызга кыскарды

Ага ылайык, расмий жумушсуздуктун деңгээли 1,4 пайызды түзүп, бул мурунку жылдарга салыштырмалуу кыйла төмөн.

Иш менен камсыз кылууга көмөктөшүү кызматтарынын каттоосунда 56,5 миң жумушсуз жаран турган, бул 2024-жылдын ушул мезгилине салыштырмалуу 20 пайызга аз (70,6 миң). Алардын ичинен расмий жумушсуз макамы барлар — 38,1 миң адамды түзүп, 2024-жылга караганда 22 пайызга кыскарды.

Ал эми ишке орношкон жарандардын саны 17,5 миң адамды түздү, ал эми активдүү программалардын катышуучуларынын саны — 19,8 миң адам.

"Жаштартар стажировкасы" долбоорунун алкагында (2024-2025-жылдары) 30 пилоттук район жана шаарда стажировкадан өтүп жаткан катышуучуларга ай сайын эмгек акы төлөнүп, жалпысынан 3 миң жаш жаран камтылды.

2025-жылы стажировкадан 1851 адам өтүп, алардын ичинен 1332 жаш адис жумушка орноштурулду. Учурда алар мамлекеттик жана жеке уюмдарда ар кандай кесиптер боюнча иштеп жатышат:

• кассирлер, адистер,
• социалдык кызматкерлердин жардамчылары,
• медайымдар,
• насыялык адистер,
• инженерлер,
• экономисттер,
• кадр кызматкерлери,
• массажисттер,
• чач тарачтар,
• автоэлектриктер
• конструкторлордун жардамчылары.