Супер-Инфо
super.kg видео
Кыргыз жөө күлүгү Кытайда өткөн Азия чемпиондугунда күмүш байге тагынды
Нурсултан Кеңешбеков Азия чемпиондугунун күмүш байге ээси болду. Бул тууралуу Дене тарбия жана спорт мамлекеттик агенттиги билдирди.
Маалыматка ылайык, жеңил атлетика боюнча Азия биринчилиги 6-8-февраль күндөрү Кытайдын Тяньцзинь шаарында өткөн. Өлкө намысын коргогон спортчулар ийгиликтүү жыйынтыктарды көрсөтүшкөн.
Алсак, мелдештин биринчи күнүндө 800 метр аралыкта чуркоо боюнча Искендер Чокаев 1 мүнөт 56,83 секунд жыйынтык көрсөтүп, 10-орунду ээлесе, 400 метр аралыкта Руслан Литовский 49,57 секунд менен 14-орунга жайгашкан.
Турнирдин экинчи күнүндө 3000 метр аралыкта чуркоодо Нурсултан Кеңешбеков 7 мүнөт 55,06 секунд жыйынтык көрсөтүп, күмүш медалга ээ болсо, ошол эле аралыкта Жусуп Сулайман уулу 8 мүнөт 23,71 секунд менен 5-орунду камсыз кылган.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.