Казакстанда Станислав Бондаренконун катышуусунда "Апама кат" тасмасы көрсөтүлдү (видео)

Казакстанда режиссёр Руслан Акундун "Бейиш - эненин таманында" аттуу тасмасынын уландысы болгон "Апама кат" көркөм тасмасынын жабык көрсөтүүсү болду. Бул тууралуу тасманын жаратуучулары билдиришти.

Маалым болгондой, аталган иш-чарага театр жана кино жаатында кеңири таанымал, көптөгөн телесериалдарда жана толук метраждуу тасмаларда роль жараткан орусиялык актёр Станислав Бондаренко дагы катышкан. Тасма 12-февралдан баштап Казакстандын бардык кинотеатрларында көрсөтүлө баштары белгилүү болду.

"Апама кат" тасмасы биринчи бөлүктөгү драмалык окуянын уландысы болуп, эненин мээрими, руханий баалуулуктар, улуулардын жоопкерчилиги жана каниет кылуу сыяктуу темаларды камтыйт. Тасма эл аралык кинофестивалдарда жогору бааланган жана заманбап Кыргыз киносунда өзгөчө орду бар режиссёр Руслан Акундун жетекчилиги алдында тартылган.