Өзгөндөгү аламан улакта 25 жаштагы жигит унаасы менен кырсыктады

Өзгөн районундагы Төрт-Көл айыл аймагында өткөн аламан улакта 25 жаштагы жигит жаракат алды. Бул тууралуу Ош облустук милициясы билдирди.

Маалыматка ылайык, кечээ, 8-февралда ал өзүнүн унаасы менен Жалал-Абаддын Сузак районунан Өзгөн районуна аламан улакка бара жатып, рулдук башкарууну жоготуп, жол четиндеги жарга түшүп кеткен.

Окуя болгон жерге "Тез жардам" кызматы келип, биринчи медициналык жардам көрсөткөн. Учурда кырсыктын бардык жагдайлары такталып, тиешелүү текшерүү иштери жүргүзүлүүдө.

Социалдык тармактарда кырсыктын тартылган видеосу тарады. Анда башкаруусун жоготкон жолтандабастын тоодон ылдый катуу ылдамдыкта келип жол четиндеги тосмого урунганын көрүүгө болот.