Интернетте Өзгөндөгү аламан улакта набыт болгон жигиттин атынын видеосу тарады

Оштун Өзгөн районундагы аламан улакта 26 жаштагы жигиттин каза болгону белгилүү болду.

Социалдык тармактарда ал түшүп кеткен дарыянын жээгинде минип жүргөн атынын өлүгү тартылган видео тарады. Видеону тарткан адамдын жигиттин каза болуп калганын айтканын угууга болот. Ош облустук милициясы 26 жаштагы жигит Яссы дарыясына атын сугаруу үчүн барганын билдирди.

Милиция ошондой эле 25 жаштагы жигит унаасы менен кырсыкка кабылганын да кабарлады. Аламан улакты белгилүү улакчы Манас Ниязов уюштурган.