АКШда тоту куштун жардамы менен адам өлүмүнүн бети ачылды 

АКШнын Мичиган штатындагы полиция кызматы үйдө кармалган тоту куштун жардамы менен адам өлтүрүүнүн бетин ачты. Бул тууралуу чет элдик басылмалар жазды.

Маалыматка ылайык, окуя болгон жерге келген кызматкерлер октон жаракат алган эркек кишини жана жанында октон каза тапкан аялдын жансыз денесин табышкан.

Тергөөчүлөр үйдөгү тоту кушту көрө элекке чейин чындыкка жетишкен эмес. Канаттуу "атпа" деген сөздү бир нече жолу кайталаган. Ал эми каза болгон аялдын жакындары тоту куштун айтып жаткан сөзү маркумдун акыркы үнү болушу мүмкүн деп болжошкон.

Иликтөө иштеринин жүрүшүндө жубайлар олуттуу каржылык кыйынчылыктарды баштан кечирип келгени белгилүү болуп, аялдын өлүмүнө күйөөсүнүн тиешеси бар экени аныкталган.