Депутаттар гендердик теңчилик боюнча мыйзам долбоорлорун жактырышты

Бүгүн, 10-февралда парламент комитетинин жыйынында "Гендердик теңчилик маселелери боюнча Кыргыз Республикасынын мыйзам актыларына өзгөртүүлөрдү киргизүү жөнүндө" мыйзам долбоору каралып, үчүнчү окууда колдоо тапты.

Аталган мыйзам долбоорунун демилгечилери депутаттар: Камила Талиева, Нурланбек Азыгалиев, Чыңгыз Айдарбеков, Жанарбек Акаев, Медербек Алиев, Сеидбек Атамбаев жана башка эл өкүлдөрү.

Комитет төрагасы Курманкул Зулушев белгилегендей, мыйзам долбоору адамдын жашоо ишмердүүлүгүнүн саясий, социалдык, экономикалык, маданий жана башка тармактарда ар башка жыныстагы адамдарга бирдей укуктарды жана мүмкүнчүлүктөрдү камсыз кылуу чөйрөсүндөгү укуктук жөнгө салууну өркүндөтүү максатында иштелип чыккан.