Бишкектин мэри "кыргыз тилин билбейт" деген дооматтарга жооп берди (видео)

Бишкек шаарынын мэри Айбек Жунушалиев тургундар менен жолугушуулардын биринде социалдык тармактардагы сындарга жооп берип, орус тилинде сүйлөгөнү үчүн айтылган дооматтар боюнча өз пикирин билдирди.

Мэр белгилегендей, мамлекеттик жана муниципалдык кызматкерлер Кыргызстандын мыйзамдары боюнча суроо кайсы тилде берилсе, ошол тилде жооп берүүгө милдеттүү. Муну ал кыргыз тилине кайдыгер мамиле жасоо эмес деп түшүндүрдү. Мэр мыйзам талаптарына ылайык гана жооп берип жатканын айтты.