Гринвуд Трамптын жубайы тууралуу тартылган тасмадан өзүнүн музыкасын алып салууну талап кылды

Британиялык рок тобу Radiohead`тин гитаристи Жонни Гринвуд жана америкалык режиссёр Пол Томас Андерсон АКШнын биринчи айымы жөнүндөгү "Мелания" тасмасынан ырчынын музыкасын алып салууну талап кылышты.

"Биз "Мелания" даректүү тасмасында "Арбак жиби" тасмасынын музыкасы колдонулганын билдик. Жонни Гринвуд музыканын автордук укугуна ээ болбосо да, Universal аны үчүнчү жактар ​​тарабынан колдонуу боюнча Жонни менен кеңешкен эмес. Бул анын автордук укук келишимин бузуу болуп саналат",- деп жазат Variety журналы музыканттын жана режиссёрдун сөздөрүнө таянып.

Жонни Гринвуд Андерсондун 2017-жылы тартылган "Арбак жиби" тасмасынын композитору.

"Мелания" тасмасы Америка президентинин инаугурациясына чейинки Америка Кошмо Штаттарынын биринчи айымынын 20 күндүк жашоосун баяндайт. Режиссёру Бретт Ратнер.