Юрист президенттин мөөнөтү боюнча Конституциялык сотко кайрылды

Юрист Таттыбүбү Эргешбаева президенттин иш мөөнөтү боюнча расмий түшүндүрмө берүү үчүн Конституциялык сотко кайрылганын билдирди.

Ал Facebook баракчасына "мен Конституциялык сотко менин апелляциямды кабыл алгандыгы үчүн ыраазычылык билдирем" деп жазып, эртең, 11-февралда бул маселе боюнча Жогорку Кеңешке Конституциялык сотко апелляциялык арыз менен кайрылуу өтүнүчү менен кат жазарын кошумчалаган.

"Депутаттар өздөрүнүн мыйзамдуу укугун колдонуп, бул маанилүү маселени тактоо үчүн эрк көрсөтүшөт деп үмүттөнөм",- деп белгиледи.

Буга чейин 75 адамдан турган топ өлкө башчысы Садыр Жапаровго, Жогорку Кеңештин төрагасы Нурланбек Тургунбек уулуна кайрылып, президенттик шайлоону мөөнөтүнөн мурда өткөрүүгө чакырган. Коомчулукта президенттик шайлоого байланыштуу талкуулар кызуу жүрүп жатат.